Санаат технологиясы кафедрасы

Технология кафедрасы 1993 жылы «Қоршаған орталықты қорғаў ҳәм тәбийий ресурслардан үнемли пайдаланыў» кафедрасы болып жумыс баслады. Қарақалпақ мәмлекетлик университети «Технология» кафедрасының негизинде 2019 жылдан баслап Санаат технологиясы кафедрасы өз искерлигин баслады. Усы жыллар аралығында кафедрада 5522400 (5320400) Химиялық технология, 5540500 (5320900) Жеңил санаат өнимлери конструкциясын ислеў ҳәм технологиясы, 2009 жылдан баслап 5522500 (5321300) Нефть ҳәм нефть газди қайта ислеў технологиясы бакалавр тәлим бағдарлары бойынша кадрлар таярланды. Питкериўши қәнийгелер өндирис кәрханаларында жумыс ислеп атыр ҳәмде айырымлары магистратура қәнигеликлеринде оқып, илимий изертлеў жумыслары менен шуғылланып келмекте. Кафедра искерлиги даўамында оған доцентлер Б.Тәнирбергенов (1993-94), Б.Жарекеев (1994-2005), М.Айымбетов (2005-2006), Б.Алламбергенов (2006-2009), Б.Нурымбетов (2009-2012), М.Айымбетов (2012-2018), Б.Хожаметова (2019-2019) басшылық етип келди. 2019 жылдан баслап Санаат технологиясы кафедрасына т.и.д. (PhD) А.Мамбетшерипова басшылық етеди.

Ҳәзирги ўақытта кафедрада 5320900-Жеңил санаат өнимлери конструкциясын ислеў ҳәм технологиясы ҳәм 5320300 – «Технологиялық машиналар ҳәм үскенелер» тәлим бағдарлары бойынша қәнийгелер таярланбақта.

Кафедра дүзилгеннен баслап инженер технолог кадрларды таярлаўға үлкен итибар қаратылмақта. Усы мақсетте кафедра оқыў, амелият ҳәм илимий изертлеў бағдарлары бойынша Ташкент Химия технология институты, ӨзР ИА Улыўма ҳәм органикалық емес химия институты, «Навоиазот» ААЖ, «Нукустекстиль» ЖШЖ, «Eltex» ЖШЖ, «Turtkul omad textile» ЖШЖ, «Elite stars textile» ЖШЖ, «Халқабад мамығы» ЖШЖ ҳәм Ташкент тоқымашылық ҳәм жеңил санаат институтларында, «Технологиялық машиналар ҳәм үскенелер» тәлим бағдары студентлери «Наўайы Кән металлургия комбинаты» мәмлекетлик кәрханасы Тахиатас металл емес конструкциялар ҳәм стандарт емес үскенелер ислеп шығарыў заводы, «Навоиазот», «Нукус полимер» ҳәм «Қунғирод сода заводи» кәрханалары менен бирге ислесиў шәртнамаларын дүзди.

Кафедрада ҳәзирги ўақытта тийкарғы штатта 10 оқытыўшы жумыс ислемекте.

 

Мамбетшерипова Ажаргул Абдиганиевна, техник илимлери бойынша философия докторы. 1966-жылы 7- январьда Тахтакөпир районында туўылған. 1992-жылы Бухара азық-аўқат жеңил санаат технология институтының Машинасазлық қәнигелигин тамамлаған. 2019-жылы «Минерал ўғитларни сепадиган марказдан қочирма аппаратнинг технологик жараёнини такомиллаштириш ва параметрларини асослаш» темасында 05.07.01 – Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш қәнигелиги бойынша Ташкент ирригация ва қишлоқ хўжалиги механизациялаш мухандислари  институты жанындағы илимий дәреже бериўши DSc.27.06.2017.T.10.01 номерли илимий кеңесте техник илимлери бойынша философия докторылығы бойынша диссертациясын жақлады. 45 ден аслам илимий мийнетлери баспада жәрияланған. Соның ишинде 3 оқыў-методикалық қолланбасы баспадан шыққан. 2019-жылдан баслап Санаат технологиясы кафедрасы баслығы лаўазымында ислеп келмекте

 

Турманов Имаматдин, техника илимлериниң кандидаты, профессор. 1941-жылы 16-декабрьде Тахтакөпир районында туўылған. 1963-жылы Қарақалпақ мәмлекетлик педагогикалық институтын тамамлаған. Қәнигелиги физика ҳәм улыўма техника пәнлери оқытыўшысы . 1981-жылы «Исследование физико-механических свойств волокон хлопка со структурой» темасында кандидатлық диссертациясын жақлады. 70 тен аслам илимий мийнетлери баспада жәрияланды. Соның ишинде, 1 оқыўлық ҳәм 2 методикалык қолланбасы баспадан шықты. 2015-жылдан баслап кафедра профессоры.

Сондай-ақ, кафедрада үлкен оқытыўшылар З.Бекмуратова, С.Айтымбетов, ассистентлер А.Жолдасова, М.Шамуратов, А.Нурыллаева, Ғ.Алланиязов, Ш.Мусиров, А.Юлдашев, Р.Оразбаева, Б.Палўановлар ислеп атыр.